كيف تكتب الشعر؟

تحتاج الي:

1- فكره

2- مفرده (حاول تكون المفردات اللي تستخدمها سهله ومفهومه ولاتعقد الامور)

3- قافيه ( لاتفكر فيها في البدايه راح تجي بروحها بس بعد البيت الاول التزم علي الاقل بالحرفين الاخيرين )

4- وزن ( لاتحاتي )


الخطوات:

1- اختر الفكره:
مثال :
( ابي اكتب للمنتدي ومولاقي كلام اقوله)
شلون اصيغ هالفكره ؟!؟!؟؟!؟!
اسال نفسي سوال شنو ممكن اقول؟!؟!
شلون ابدا ؟!؟!؟!
وشنو القافيه اللي اختارها ؟!؟!؟

- اجاوب
اول شي انسا مساله القافيه راح تجي بروحها
اهم شي فكر باللي ممكن تقوله حتا الوزن انساه
وعبر عن اللي بخاطرك !!!!
شلون ؟؟؟!
انت ودك تكتب للمنتدي بس مو لاقي كلام تقوله
قول مثلا :
ودي اكتب لي كلام ومالقيت اللي اقوله ؟؟!؟!!!
بدايه لشطر بيت حاول تكمله بنفسك
المطلوب انك تسترسل بالكتابه بس
لاتنظر للوزن في البدايه
الوزن راح يظبط مع الممارسه
بس شلون اظبطه من غير تعقيد او التزام بالتفعيله وبحور الشعر مثل



فاعلاتن مستفعلن فاعلاتن

او


فعلن فعلن فعلن فعل

وهلم جره


الاجابه سهله
في البدايه حاول تغنيها واذا جت بالغناء سهله وسلسه
فهي اقرب انها تكون موزونه

وحاول باغاني مثل :

لمني في محجر عيونك لراشد الماجد
او حبيبتي وحيات قلبك وعينك لاحلام وميحد حمد

او اسمحيلي يالغرام لمحمد عبده
او تناسيني بنفس الموعد اللي به ذكرتيني لمحمد عبده

وانا اخترت هالاغاني بالذات لان كل وحده فيهم تخدم وزن معين

ومو بالظروره هالاغاني

الاغنيه اللي تبيها
المهم شيلها بطاروق تفضله وترتاحله


بالنسبه للقافيه
حاول تكون نهايه البيت من حرفين او اكثر


مثال 2 :

(ودي اكتب قصيده في حب الوطن الكويت )

شلون اصيغها ؟!؟!

انت تحب الوطن؟!؟!
قول مثلا



ودي اكتب لك قصيدة حب ياكويت وماقدرت اكتب
،،،،،،،،،،،،،،،،،،،،،،لقيت اصعب مواضيع الهوي كلمات فـي حقـك


لاحظ ان الشطر الاول مو موزون حاول اتغنيها

حاول اتغنيها بنفس لحن تناسيني لمحمد عبده
تناسيني بنفس الموعد اللي به ذكرتيني .............
ماراح تغنيها بسهوله
حاول تصلحها



ابي اكتب قصيدة حب ياكويت وعجزت اكتب
،،،،،،،،،،،،،،،،،،لقيت اصعب مواضيع الهوي كلمات في حقك


حاول تغنيها وراح تمشي معاك ميه بالميه

او ممكن اقول :


احبج ياامارات العز ياتاج الفخر والطيـب
،،،،،،،،،،،،،،،،احبج وارخص الغالي وابيع الروح لترابك


وعلي هالمنوال كمل

ولاحظ انك في البدايه ما اخترت قافيه
لكن هالقافيه راح تلتزم فيها بالابيات اللي راح تكتبها بعدين

ملخص الكلام
اختار الفكره واكتبها بطريقتك باي شكل كان
وكمل القصيده كامله مع الالتزام بالقافيه
وفي الاخر حاول توزنها مثل ماوضحت في البدايه

مشكوره اختي

مشكووورة على الموضوع و انا بقول شي اولا الشعر ليه لحن خاص ثانيا لازم تكون الكلمت معبرة ثالثا انا ما اعرف اكتب شعر بل خواطر ههههههههه

مشكوره اختي على الموضوع

يسلمووو عالمرور

وانزين خيتوو اسيرة الماضي حطي خواطرج اذا ماعليج امر ^_^

مشكوره اختي على الموضوع

مشكوره اختي على الموضوع

مشكوره اختي وما قصرتي..






يزاج الله خير .. ..وبالتوفيج..