!! .. فلسفة العيايز .. !!
اشحالكم عساكم بخير
اليوم موضوعي عن العيايز اللوليات
// الحريم و مرض السكر //
تقول الوالده الحريم ما ياهن السكري و الضغط إلا من قل الحركه و اليلسه و الهيازه و البشاكير
// رغوة الحمام //
دخل اخويه الصغير الله يعزكم الحمام و ترس البانيو ماي و رغوه.. يوم دخلت يدتيه الحمام و شافت الرغوه
قالت يالله بالستر بلاه مايكم وارم
// البر و الموتر //
يوم سرت ويا يدتيه العزبه يوم كنت صغيره غرز الموتر و الهندي ما عرف شو يسوي نزلت أطالع السالفه.. جان أقول ليدتيه إنزلي شوفي الموتر .. لقيتها يالسه في السيت الجدامي و تدز التابلون بريولها قلتلها شو تسوين؟ قالت: أدز الموتر عشان يظهر ..
// الفتين (يعني الفتنة) و الهزاب //
تقول يدتيه لا تفتنون على الأوادم و إتهزبونهم لأن رب العالمين قال: الفتنه أشد من القتل
// التقويم //
اخوويه مركب تقوين وطاحت حبه منه جان يسير ويقول حق يدته يدوه جوفي طاحت حبه
جان اتقوول يعلني فداك ماعليه بتكبر وبتنساه ولا برووحه بينقض لاتحاتي انته خخخخخ
والسموحة
يالله فدييتهن من عياايز .. شيخااات
ربي يطول بعمارهن ويخلييهن
موضوع: فلسفة العيايز 
